සූරියගොඩ ඉලුක්තැන්න අම්බලම – Ilukthenna Ambalama

RATE THIS LOCATION :1 Star2 Stars3 Stars4 Stars5 Stars (1 votes, average: 5.00 out of 5)
Loading...
Ilukthenna Ambalama

Ilukthenna Ambalama

මගීන්ගේ ප්‍රයෝජනය සඳහා මාර්ග අසලකරන ලද විශ්‍රාමශාලා හෙවත් ගිමන්හල අම්බලම නමින් හැඳින්වෙනවා. පුරාණයේ මේවායේ රාජරාජ මහාමාත්‍යාදීන් පවා ලැගුම් ගත්තා. අතීතයේ පයින් හා දෝලාවෙන් ගමන් ගිය මගීන් ගමන් වෙහෙස නිවීම සඳහා අම්බලමක් සැදීම මහත් ඵල ගෙනෙන කුසල් කර්මයක් ලෙස සැලකුවා. ලංකාවේ තිබෙන බෞද්ධ ප්‍රවේශය මේ සඳහා තවත් දායක වුණා. එම නිසා ප්‍රසිද්ධ මාර්ගවල සැතපුම් දෙක තුනකට ඈතින් අම්බලම් දකින්න ලැබුණු අතර බොහෝ පැරැණි ගම්වල අම්බලම් දෙක තුනක් පවා දක්නට ලැබුනා.  ඒ එක්කම මෙම අම්බලම් එම ගම්මානයේ පිරිස එක්තැන් වන ස්ථානයක් ලෙසද වැදගත් උනා.

ඇතැම් අම්බලම් ඉතා විශිෂ්ට ලෙසින් කැටයම් කරලා තිබුණා. බොහෝ විට අම්බලම් ගොඩනැගුවේ රාජ  අනුග්‍රහය යටතේ හෝ ප්‍රාදේශීය ප්‍රභූවරුන්ගේ අනුග්‍රහයෙන්. එම නිසා මෙම අම්බලම්වල විශාලත්වය හා කලා නිර්මාණ අනුග්‍රහය දුන් පුද්ගලයන්ගේ වත්පොහොසත්කම් අනුව වෙනස් උනා.

ඉලුක්තැන්න අම්බලම පිහිටා තිබෙන්නේ සුප්‍රසිද්ධ සූරියගොඩ රජමහා විහාරයට යන මාර්ගයේ  විහාරයට ඉතා ආසන්නවයි. මෙම අම්බලමේ ඉදිරිපස ඇති ගල් කණුවක ශ්‍රී බුද්ධ වර්ෂ 2451.02.10 දින යනුවෙන් සඳහන් කොට  තිබෙනවා. ඒ අනුව මෙම අම්බලම සාදා ඇත්තේ 1907 වර්ෂයේදීය. නමුත් 1998 වර්ෂයේ යටිනුවර ප්‍රාදේශීය සභාව විසින් මෙම අම්බලම ප්‍රතිසංස්කරණය කිරීමේදී මෙහි පෞරාණිකත්වය සම්පූර්ණයෙන්ම නොසලකා හැර තිබෙන බව පේනවා. එම නිසා මෙහි වූ පෞරාණික වටිනාකමට  විශාල ලෙස බලපා තිබෙනවා.

මෙම අම්බලමේ සිට ගලගෙදර දක්වා අම්බලම් හතක් තිබුණු බව පුරාණ දැන් වැසියෝ පවසනවා නමුත් අද ඉතිරිව ඇත්තේ මෙම අම්බලම පමණයි.

පොල් ගහ මුල හංදිය සිට අලදෙණිය මාර්ගයට හරහා කිලෝමීටර 5.2 ක් ගිය තැන මෙම අම්බලම වම් අත පැත්තේ දැකගන්න පුළුවන්.  අද වන විට 1998 වර්ෂයෙදී කරන ලද ප්‍රතිසංස්කරණයද ගරා වැටෙමින් පවතිනවා.

.

separator divider

Illukthenna Ambalama is an ancient wayside rest on the route to famous Suriyagoda Rajamaha Viharaya about 8 km from Kandy city.

Unfortunately the  Ambalama seems to have been renovated without preserving its antiquity some time ago. Today even this building has fallen in to despair. Two large granite pillars holding the front of the roof is the only indication of its antiquity.

The Ambalama lies on the Aladeniya – Eriyagama road (B5) at the junction where the road to Suriyagoada Viharaya starts.

ආශ්‍රිත ලිපි හා ග්‍රන්ථ

  • අම්බලම හා සමාජය : ශ්‍රී ලංකාවේ පුරාණ පිළිබඳ ඓතිහාසික හා පුරාවිද්‍යාත්මක පර්යේෂණයක්, 2018. , 1. කොළඹ : සීමාසහිත ඇස් ගොඩගේ සහෝදරයෝ (පුද්.) සමාගම.

සම්බන්ධ වෙනත් පිටු

සූරියගොඩ ඉලුක්තැන්න අම්බලම සිතියම


ගූගල් සිතියම් පහලින් - Please click on the button below to load the Dynamic Google Map -
.

ඉහල සිතියමේ මෙම ස්ථානය පමණක් නොව කිලෝමීටර 20ක් ඇතුලත තවත් වැදගත් ස්ථාන ලකුණු වී ඇත. මේ ස්ථාන බැලීමට සිතියම කුඩා කර බලන්න. වැඩි විස්තර සඳහා අවශ්‍ය ස්ථානය මතට මුසිකය ගෙනයන්න. එසේ නැතිනම් click කරන්න.

ගූගල් සිතියම වෙනත් ස්ථාන වලට චලනය කර ගෙනයාමෙන් එම ප්‍රදේශයේ වැදගත් ස්ථාන බලාගත හැක.


සූරියගොඩ ඉලුක්තැන්න අම්බලම දිශාවන්

මහනුවර සිට සූරියගොඩ ඉලුක්තැන්න අම්බලම දක්වා
හරහා : තැන්නේකුඹුර – හාරගම – හඟුරන්කෙත
මුළු දුර : කිලෝමීටර 11
ගතවන කාලය  : විනාඩි  30
ගතකල යුතු කාලය : විනාඩි 15-30 පමණ
රියදුරු දිශාවන් : ගූගල් සිතියමේ බලන්න
© www.amazinglanka.com
Comments