යටිකඳුර බෝගොඩ පුරාණ ටැම්පිට විහාරය – Yatikandura Bogoda Purana Tampita Viharaya

RATE THIS LOCATION :1 Star2 Stars3 Stars4 Stars5 Stars (3 votes, average: 3.00 out of 5)
Loading...
යටිකඳුර බෝගොඩ පුරාණ ටැම්පිට විහාරය - Yatikandura Bogoda Purana Tampita Viharaya
යටිකඳුර බෝගොඩ පුරාණ ටැම්පිට විහාරය – Yatikandura Bogoda Purana Tampita Viharaya

බෝගොඩ ටැම්පිට විහාරය පිහිටා ඇත්තේ කුරුණෑගල සහ වාරියපොළ අතර නටබුන් වූ බෝගොඩ වැවට යාබදව, කුරුණෑගල නගරයට කි.මී. 13.5 ක් දුරකිනි.

ටැම්පිට විහාර මහනුවර රාජධානිය පැවති කාලය තුල ජනප්‍රිය ගෘහ නිර්මාණ අංගයක් වූ අතර මෙහිදී ගෘහය වේදිකාවක් මත ඉදිකරන ලද අතර එම වේදිකාව ගල් කුළුණු මත තබා ගොඩනැගිණි.

බෝගොඩ ටැම්පිට විහාරය සෙන්ටිමීටර 84ක් උස් වූ ගල් කුළුණු 12ක් මත ගොඩනගා ඇත. මෙහි පිළිම ගෙය වටා පටු බරාඳයක් දිව යයි. මෙය ඉදිරියෙන් මීටර 1.25ක්ද දෙපසින් සෙන්ටිමීටර 36ක්ද පිටුපසින් සෙන්ටිමීටර 42ක්ද පළල වේ. පිළිම ගෙයහි ප්‍රමාණය මීටර් 3.38×2.57 ක් වන අතර මුළු ගොඩනැගිල්ලේ ප්‍රමාණය මීටර් 5.08×3.43 කි. මෙහි දැව වේදිකාවෙන් නැඟී ඇති ලී කණු 21 ක් වහලයට ආධාර කරයි. මෙම ටැම්පිට විහාරය ඉදිරිපිට උස් වහලවූ මණ්ඩපයක් ඉදිකර ඇත. විහාරයට පිවිසීම මෙම මණ්ඩපය හරහා ය.

දැව තරප්පු පඩි කිහිපයක් මෙහි බරාඳයේ ඉදිරිපස කොටසට ඇතුල් විය හැක. බරාඳය අලංකාර ලෙස කැටයම් කරන ලද දැව කණු 21කින් වටවී ඇත. ඇතුළත කණු පෙළ සියුම් ලෙස කැටයම් කළ ලී කුළුණු හිස් භාවිතයෙන් අලංකාර කොට ඇත. සාමාන්‍යයෙන් කුළුණු හිස් අලංකාර කරන්නේ මල් කැටයම් වලිනි. නමුත් මෙම ටැම්පිට විහාරයේ කුළුණු හිස් මිනිස් හිස් පහළට මුහුණ ලාන ලෙස කැටයම් කොට ඇත.

ටැම්පිට විහාරයේ අභ්‍යන්තර කුටියට පිවිසීම විශාල ලී දොර උළුවස්සක්හ හරහා ය. මෙම සම්පූර්ණ උලුවස්සම මල් මෝස්තර, ලියවැල් මෝස්‌තර සහ පළාපෙති මෝස්තර වලින් කැටයම් කර ඇත. දොරටුව දෙපස කඩුවක් අතින් ගත් දොරටුපාල පිළිම දෙකකි.

ප්‍රධාන හිඳි බුද්ධ ප්‍රතිමාව ඇත්තේ දොරට මුහුණලා ය. පිළිමය ඇති වටා අශ්ව ලාඩම් හැඩැති ගිණිදැල් මෝස්තරයෙන් පින්තාරු කොට ඇති රශ්මි මාලාව සාමාන්‍යයෙන් නුවර යුගයේ විහාරහි සුලබය. සූර්යයාගේ හා චන්ද්‍රයාගේ සිතුවම් දෙකක් බිත්තිය දෙපස මුදුනේ දක්නට ලැබේ. විෂ්ණු (උපලුවන්) සහ සමන් යන දෙවිවරුන්ගේ ප්‍රතිමා දෙකක් ඊට පහළින් දක්නට ලැබේ. ප්‍රධාන පිළිමය අසල පැති බිත්තියන්හි හිටි බුද්ධ ප්‍රතිමා දක්නට ලැබේ. මෙම ප්‍රතිමා දෙකෙහිද හිසේ සිට දෙපතුල දක්වා ඇතුලත් වන සේ අශ්ව ලාඩම් හැඩැති රශ්මි මාලා පින්තාරු කොට ඇත . මීට අමතරව අනුග්‍රාහක යැයි සැලකිය හැකි රජෙකුගේ සිතුවමක්ද දැකිය හැකිය. ඉතිරි බිත්ති මල් සැරසිලි සහ භික්ෂූ සිතුවම් වලින් ආවරණය කොට ඇත.

separator divider

Bogoda Tampita Viharaya lies between Kurunegala and Wariyapola, adjoining the ruined Bogoda wewa 13.5 km away from Kurunegala town.

Tampita Vihara was a popular architectural feature during the Kandyan kingdom where the temple was built on a platform which was held on an array of pillars, mostly stone.

Tampita Viharaya at Bogoda is built on 12 stone pillars 84 centimeters high.  A verandah runs around the image house. It is 1.25 centimeters wide at front, 36 cm wide on sides and 41 cm wide at the rear. The image house is 3.38×2.57 meters in size and the building is 5.08×3.43 meters in size. 21 wooden pillars rising from the wood platform support the roof. A high roof mandapa has been built infront of the Tampita Viharaya. Access to the viharaya is through the Mandapa.

Few wooden steps brings you to the front of the verandah. This is surrounded by beautifully crafted wooden pillars. The inner pillars are complete with finely carved wooden pillar heads. Generally the end of the pillar heads are carved with floral designs. However the pillar heads of this Tampita Viharaya is carved with human heads facing downwards.

The entrance to the inner chamber is through a bulky wooden door frame. The whole door frame is carved with floral designs, creeper designs and ‘pala pethi’ designs. Two guardian deities carrying swards stand beside the door.

A seated Buddha Statue sits facing the door of the image house. The statue is surrounded by a painting of a horse shoe shaped halo using a flame design typically found on temples of Kandyan era. Paintings of Sun and the moon is seen at the top of the wall. Two statues of deities Vishnu (Upuluwan) and Saman are seen beside the Buddha statue. Two statues of Buddha in the standing posture can be found on the side walls. These statues too are covered with the typical horse shoe shaped halo using a flame design head to feet. A painting of a king possibly the benefactor can also be seen inside the chamber. The rest of the walls are covered in floral designs and paintings of priests.

මූලාශ්‍ර

සම්බන්ධ වෙනත් පිටු

බෝගොඩ ටැම්පිට විහාරය සිතියම


ගූගල් සිතියම් පහලින් - Please click on the button below to load the Dynamic Google Map -
.

ඉහල සිතියමේ මෙම ස්ථානය පමණක් නොව කිලෝමීටර 20ක් ඇතුලත තවත් වැදගත් ස්ථාන ලකුණු වී ඇත. මේ ස්ථාන බැලීමට සිතියම කුඩා කර බලන්න. වැඩි විස්තර සඳහා අවශ්‍ය ස්ථානය මතට මුසිකය ගෙනයන්න. එසේ නැතිනම් click කරන්න.

ගූගල් සිතියම වෙනත් ස්ථාන වලට චලනය කර ගෙනයාමෙන් එම ප්‍රදේශයේ වැදගත් ස්ථාන බලාගත හැක.


බෝගොඩ ටැම්පිට විහාරය රියදුරු දිශාවන්

කුරුණෑගල සිට බෝගොඩ ටැම්පිට විහාරය දක්වා
හරහා :ඉබ්බාගමුව
මුළු දුර : කිලෝමීටර් 13.5
ගතවන කාලය : විනාඩි 30
ගත කිරිය යුතු කාලය : විනාඩි 30 පමණ
රියදුරු දිශාවන් : ගූගල් සිතියමේ බලන්න

© www.amazinglanka.com