කිරිමැටියාව ඇඹුල්ගිරි ටැම්පිට විහාරය – Kirimatiyawa Ambulgiri Tampita Viharaya

RATE THIS LOCATION :1 Star2 Stars3 Stars4 Stars5 Stars (3 votes, average: 3.00 out of 5)
Loading...
කිරිමැටියාව ඇඹුල්ගිරි රජමහා ටැම්පිට විහාරය - Kirimatiyawa Ambulgiri Rajamaha Tampita Viharaya
කිරිමැටියාව ඇඹුල්ගිරි රජමහා ටැම්පිට විහාරය – Kirimatiyawa Ambulgiri Rajamaha Tampita Viharaya
Image source : a video clip by Dilini Munasinghe

කිරිමැටියාව පිහිටා ඇත්තේ කුරුණෑගල දිස්ත්‍රික්කයේ කුලියපිටිය සහ පඬුවස්නුවර අතර ය. කිරිමැටියාවට මාදම්පේ සිට දුර කිලෝමීටර 40කි.

ටැම්පිට විහාර මහනුවර රාජධානිය පැවති කාලය තුල ජනප්‍රිය ගෘහ නිර්මාණ අංගයක් වූ අතර මෙහිදී ගෘහය වේදිකාවක් මත ඉදිකරන ලද අතර එම වේදිකාව ගල් කුළුණු මත තබා ගොඩනැගිණි.

කිරිමැටියාව ඇඹුල්ගිරි ටැම්පිට විහාරය මීටර් 1.14 ක් උස ගල් කණු 12 ක් මත පිහිටුවා ඇත. මෙහි පිළිම ගෙය වටා පටු කොරිඩෝවක් දිව යයි. කොරිඩෝව වටා අඩක් උස ගරාදි වැටක් ඉදිකර ඇත. මෙහි ඉදිරිපස පළල සෙන්ටිමීටර 30 ක් සහ පැති හා පසුපස සෙන්ටිමීටර 30.4 ක් පළලය. පිළිම ගෙයහි ප්‍රමාණය මීටර් 3×2.18 ක් වන අතර ගොඩනැගිල්ලේ ප්‍රමාණය මීටර් 4.32×3.58 කි. දැව වේදිකාවෙන් ඉහළට නැගෙන ලී කණු 12 ක් වහලය ටැම්පිට විහාරය රඳවා තබා ගනී. කණු මත කැටයම් සරල ය. එසේ නමුත් මෙම කුළුණු කුළුණු හිස් වලින් සරසා ඇත. කුළුණු හිසෙහි සෑම පැත්තක් ම මලක ස්වරූපයෙන් කැටයම් කර ඇත. විහාරයේ වහලය මඩොල් කුරුපාවක් භාවිතයෙන් බාල්කවල බර සමතුලිත කොට ඇත. නෙළුම් මෝස්තරයකින් කැටයම් කරන ලද ‘කැණිමඩල’ ද්විත්වයක් මඩොල් කුරුපාව දෙකොනේ දැකිය හැකිය. කැණිමඩල මුදුනේ මැටි කොත් දෙකක් භාවිතයෙන් කැණිමඩල ජලයෙන් ආරක්ෂා කොට ඇත.

ටැම්පිට විහාරයේ ප්‍රධාන දොරටුවට සම්බන්ධ කොට ඉදිරියෙන් මණ්ඩපයක් ඉදිකර ඇත. විහාරයට පිවිසුම ඇත්තේ මෙම මණ්ඩපය හරහා ය.

මෙහි දොරටු උළුවස්ස සරල පළා මෝස්තරයකින් කැටයම් කොට ඇත. මේ දෙපස දොරටුපාල රූප දෙකක් අසල බිත්තියේ පින්තාරු කර ඇත. ප්‍රධාන හිඳි පිළිමය මුහුණ ලා සිටියි. මුළු පිළිමය වටා අශ්ව ලාඩම් හැඩති ගිනි සිළු මෝස්තරයෙන් වර්ණාලේප කර ඇති ප්‍රභා මණ්ඩලය හා සිරස්පත මහනුවර යුගයේ නිර්මාණ හා සම වේ. එසේ නමුත් මෙම ප්‍රතිමාවේ සිරස්පත සාමාන්‍යයෙන් පවතින හැඩයන්ට වඩා වෙනස් ත්‍රිමාන ස්වරූපයක් ගනී. බුදු පිළිමය අසල සැරියුත් සහ මුගලන් තෙරුන්ගේ ප්‍රතිමා දෙකක් දක්නට ලැබේ. අභය මුද්‍රාවෙන් සිටින හිටි බුද්ධ ප්‍රතිමා දෙකක් පැති බිත්තිවල දක්නට ලැබේ. මෙම පිළිම ගෙය තුල ශිව, විෂ්ණු, ඉන්ද්‍රා සහ බ්‍රහ්ම දෙවිවරුන් 4 දෙනෙකුගේ ප්‍රතිමා දැක ගැනීමට ලැබීම විශේෂ කරුණකි.

ගූගල් සිතියමේ පහත සලකුණු කර ඇත්තේ ආසන්න ස්ථානයක් පමණක් බව කරුණාවෙන් සලකන්න.

separator divider

Kirimatiyawa lies between Kuliyapitiya and Panduwasnuwara in in Kurunegala District. Traveling from Madampe it lies 40 kms away.

Tampita Vihara was a popular architectural feature during the Kandyan kingdom where the temple was built on a platform which was held on an array of pillars, mostly stone.

The Kirimatiyawa Ambulgiri Tampita viharaya lies on 12 rock pillars 1.14 meters tall. A narrow corridor runs around the image house. An half height railing is built surrounding the corridor. This is 30 centimeters wide at the front and 30.4 centimeters wide at the sides and the rear. The image house is 3×2.18 meters in size and the building is 4.32×3.58 meters in size. 12 wooden pillars raising from the wooden platform holds the roof the tampita viharaya. Carvings on the pillars are simple and plain. However each pillar is decorated with pillar heads. Each side of the pillar head is carved in form of a flower. The roof the viharaya is uses a “Madol Kurupawa” at the center of the roof to join all the beams and balance the weight of the roof. Two ‘Kanimadala‘ carved with a lotus design can be seen on the two edges of the Madol Kurupawa. Two clay pinnacles are seen placed on top of the Kanimadala to protect it from water.

A mandapa has been built in front of the Tampita Viharaya connected to main entrance. Therefore access the viharaya is through this mandapaya.

The door frame at the entrance has a simple petal design carving. Two guardian deities are painted on the wall beside the door. The main statue, a seated Buddha lies facing the door. A head dress (siraspatha) and a horse shoe shaped halo painted with a flame design surrounding the whole statue is typical of Kandyan era designs. However the Siraspatha of this statue takes a different 3 dimensional form from the commonly found designs. Two statues of Sariyuth and Mugalan theros are seen beside the Buddha statue. Two standing Buddha statue in Ababya Mudra is seen on the side walls. It is interesting to note to find statues of 4 deities, Siva, Vishnu, Indra and Brahma inside the image house.

Please note that the location marked below on the google map is only an approximate location.

මූලාශ්‍ර

සම්බන්ධ වෙනත් පිටු

කිරිමැටියාව ඇඹුල්ගිරි ටැම්පිට විහාරය සිතියම


ගූගල් සිතියම් පහලින් - Please click on the button below to load the Dynamic Google Map -
.

ඉහල සිතියමේ මෙම ස්ථානය පමණක් නොව කිලෝමීටර 20ක් ඇතුලත තවත් වැදගත් ස්ථාන ලකුණු වී ඇත. මේ ස්ථාන බැලීමට සිතියම කුඩා කර බලන්න. වැඩි විස්තර සඳහා අවශ්‍ය ස්ථානය මතට මුසිකය ගෙනයන්න. එසේ නැතිනම් click කරන්න.

ගූගල් සිතියම වෙනත් ස්ථාන වලට චලනය කර ගෙනයාමෙන් එම ප්‍රදේශයේ වැදගත් ස්ථාන බලාගත හැක.


කිරිමැටියාව ඇඹුල්ගිරි ටැම්පිට විහාරය රියදුරු දිශාවන්

මාදම්පේ සිට කිරිමැටියාව දක්වා
හරහා :දුම්මලසූරිය – කුලියාපිටිය
මුළු දුර : කිලෝමීටර් 41
ගතවන කාලය : පැය 1
ගත කිරිය යුතු කාලය : විනාඩි 30 පමණ
රියදුරු දිශාවන් : ගූගල් සිතියමේ බලන්න

© www.amazinglanka.com