(3 votes, average: 4.00 out of 5)
Loading...
අප බොහෝ දෙනෙක් අලංකාර දැව කැටයමින් සැරසූ ගොඩමුන්න අම්බලම ගැන අසා තිබෙනවා. ගොඩමුන්න අම්බලමට මීටර් 500ක් පමණ නුදුරින් තවත් අම්බලමක් තිබෙනවා. මේ ගැන බොහෝ අය දන්නෙ නෑ. ගොඩමුන්න ගල් අම්බලම යන නමින් හැඳින්වෙන මෙය ගලින් සෑදූ අම්බලමක්. එය පිහිටා තිබෙන්නේ අලංකාර දිය ඇල්ලක් අසල ගල්තලාවක් මතයි. එම නිසා මෙම අම්බලම ගොඩමුන්න ඇල්ල ඔය අම්බලම කියාද හඳුන්වනවා
ගල්තලාව මත ගලින්ම සෑදූ කුඩා වේදිකාවක අඩි 4ක පමණ වට ප්‍රමාණයක ඇති ගල් කණු හතරක් සිටුවා ඒ මත ලී රාමුවක් රඳවා වහලය සකස් කොට තිබෙනවා. ගල්කණු දෙකොනින් හතරැස් වන අතර මැදින් අටපට්ටම් වෙන ලෙසද කපා තිබෙනවා. මෙහි වෙනත් කැටයම් කිසිවක් දකින්නට නැහැ.
මෙම අම්බලමේ බිත්ති අසුන් ගත හැකි ලෙස නිමවා තිබෙනවා. දොරටුව ඉදිරියේ බිත්තියට වඩා අඩු උසින් දෙපස බිත්ති සදා තිබෙනවා. මෙසේ වෙනස් උසින් ආසන පෝරු නිමවීම නුවර යුගයේ බොහෝ අම්බලම් වල දැකිය හැකි විශේෂත්වයක්. පුද්ගලයන්ගේ තත්ත්වය අනුව හිඳගන්නා ආසනය වෙනස් වෙනවා.
මෙම අම්බලම 1930 වසරේදී රන්තැන් ගෙදර ඉස්කෝලේ මහතා විසින් සාදා තිබෙනවා. 1930 වසරට පෙර ගොඩමුන්න අම්බලම හා සමාන දැවයෙන් සැදූ අම්බලමක් මෙහි තිබූ බව පුරාණ ගම්මුන් පවසනවා.
ආශ්‍රිත ලිපි හා ග්‍රන්ථ
- අම්බලම හා සමාජය : ශ්‍රී ලංකාවේ පුරාණ පිළිබඳ ඓතිහාසික හා පුරාවිද්‍යාත්මක පර්යේෂණයක්, 2018. , 1. කොළඹ : සීමාසහිත ඇස් ගොඩගේ සහෝදරයෝ (පුද්.) සමාගම.
සම්බන්ධ වෙනත් පිටු
- ශ්‍රී ලංකාවේ අම්බලම් ලැයිස්තුව
- ශ්‍රී ලංකාවේ පුරාවිද්‍යා ස්ථාන ලැයිස්තුව
- කිලෝමීටර 20ක් ඇතුලත ඇති වෙනත් නැරඹිය හැකි ස්ථාන
ගොඩමුන්න ගල් අම්බලම සිතියම
ඉහල සිතියමේ මෙම ස්ථානය පමණක් නොව කිලෝමීටර 20ක් ඇතුලත තවත් වැදගත් ස්ථාන ලකුණු වී ඇත. මේ ස්ථාන බැලීමට සිතියම කුඩා කර බලන්න. වැඩි විස්තර සඳහා අවශ්‍ය ස්ථානය මතට මුසිකය ගෙනයන්න. එසේ නැතිනම් click කරන්න.
ගූගල් සිතියම වෙනත් ස්ථාන වලට චලනය කර ගෙනයාමෙන් එම ප්‍රදේශයේ වැදගත් ස්ථාන බලාගත හැක.
ගොඩමුන්න ගල් අම්බලම දිශාවන්
| මහනුවර සිට ගොඩමුන්න ගල් අම්බලම දක්වා |
| හරහා : අම්පිටිය මුළු දුර : කිලෝමීටර 14 ගතවන කාලය : විනාඩි 45 ගතකල යුතු කාලය : විනාඩි 15-30 පමණ රියදුරු දිශාවන් : ගූගල් සිතියමේ බලන්න |