(2 votes, average: 3.50 out of 5)
Loading...
ඡයාරූපය : මනෝජ් චින්තක
තොටුපල අරාව අම්බලම තිබෙන්නේ වැලිමඩ ඌව පරණගම මැතිවරණ කොට්ඨාසයේ අඹගස්දෝව ප්රදේශයේ. මේක වසර 300 ක් පමණ පැරණි බවයි කියන්නේ. නමුත් මෙහි යටගියාව කාලයත් සමග වැළලිලා.
මහනුවර රාජධානි සමයේ මහනුවර – මහියංගණ මාර්ගයේ ගමන් ගත් මගීන්ගේ විඩාව සංසිදීමට මෙම අම්බලම ඉදිකර ඇතැයි ජනප‍්‍රවාදයේ කියැවෙනවා. අලංකාර කුඹුරු යායක් ආසන්නයේ මෙම අම්බලම සදා තිබෙන්නේ ගල් තබා සදාපු උස් වේදිකාවක් මත. ඒ මත ගල්කණු 4ක් සිටුවා එම කණු මත වහළය රඳවා තිබෙනවා. මෙම ගල්කණු සිටුවා තිබෙන්නේ රළු ලෙස කොරියේ කැපූ ලෙසමයි.
මේ අසලම ප්රදේශයේ ජනතාවගේ ගෞරව පාත්‍රවන පුරාණ බෝධීන් වහන්සේ නමක්ද පිහිටාතිබෙනවා. අවාසනාවකට නිසි සංරක්ෂණයක් නොමැතිකමින් මේ වන විට අම්බලමේ වහළයේ උළු විනාශ වෙමින් පවතිනවා. තවද කැටයම් සහිත වහළයේ ලීද විනාශයට යමින් පවතිනවා.
මෙම අම්බලමට තිබෙන්නේ වැලිමඩ – හක්ගල මාර්ගයේ. වැලිමඩ සිට අඹගස්දෝව පසුකර මීටර 350 ක් පමණ ගියවිට වම් පැත්තෙන් තොටුපල අරාව දෙසට කොන්ක්‍රීට් කල කුඩා පාරක් හමු වෙනවා. මෙම මාර්ගයේ මීටර 50ක් පමණ ගිය විට තොටුපල අරාව අම්බලම වෙත ලඟා වන්නට පුළුවන්.
පහත ගූගල් සිතියමේ මෙම ස්ථානය ලකුණු කර ඇත්තේ ආසන්න ලෙස බව සලකන්න.
ඡයාරූපය : මනෝජ් චින්තක
සම්බන්ධ වෙනත් පිටු
- ශ්‍රී ලංකාවේ අම්බලම් ලැයිස්තුව
- ශ්‍රී ලංකාවේ පුරාවිද්‍යා ස්ථාන ලැයිස්තුව
- කිලෝමීටර 20ක් ඇතුලත ඇති වෙනත් නැරඹිය හැකි ස්ථාන
අඹගස්දෝව තොටුපල අරාව අම්බලම සිතියම
ඉහල සිතියමේ මෙම ස්ථානය පමණක් නොව කිලෝමීටර 20ක් ඇතුලත තවත් වැදගත් ස්ථාන ලකුණු වී ඇත. මේ ස්ථාන බැලීමට සිතියම කුඩා කර බලන්න. වැඩි විස්තර සඳහා අවශ්‍ය ස්ථානය මතට මුසිකය ගෙනයන්න. එසේ නැතිනම් click කරන්න.
ගූගල් සිතියම වෙනත් ස්ථාන වලට චලනය කර ගෙනයාමෙන් එම ප්රදේශයේ වැදගත් ස්ථාන බලාගත හැක.
අඹගස්දෝව තොටුපල අරාව අම්බලම රියදුරු දිශාවන්
| වැලිමඩ සිට අඹගස්දෝව තොටුපල අරාව අම්බලම දක්වා |
| හරහා : අඹගස්දෝව මුළු දුර :කිලෝමීටර 4.6 ගතවන කාලය : විනාඩි 25 රියදුරු දිශාවන් : ගූගල් සිතියමේ බලන්න |
