තවලම බටහේන අම්බලම – Thawalama Batahena Ambalama

RATE THIS LOCATION :1 Star2 Stars3 Stars4 Stars5 Stars (1 votes, average: 1.00 out of 5)
Loading...
තවලම බටහේන අම්බලම - Thawalama Batahena Ambalama
තවලම බටහේන අම්බලම – Thawalama Batahena Ambalama

අතීතයේදී ගිං ගඟ දෙපස ප්‍රදේශවල සිට ගාල්ල දෙසට භාන්ඩ ප්‍රවාහනයට ගිං ගඟ බොහෝ සේ ඉවහල් විය. ගංගාවේ තොටුපොල සහ ඇතුලත ගම්මාන වලට භාණ්ඩ ප්‍රවාහනය සිදුවූයේ ගැල් හෝ මිනිස් කර මතින්ය.

මෙසේ භාණ්ඩ ප්‍රවාහනය කරන ගැල්කරුවන්ට හා ගැමියන්ට වෙහෙස නිවීමට හා වන සතුන්ගෙන් ආරක්ෂිකව රාත්‍රීය ගත කිරීම සඳහා එම මාර්ග ඔස්සේ අම්බලම් ඉදිවිය. බොහෝවිට තොටුපොළවල් ආසන්නයේද අම්බලම් දැකගත හැක.

තවලම බටහේන අම්බලම මෙවන් තොටුපොල හා ගැල්කරුවන් යා කරන ස්ථානයක සැදූ අම්බලමකි. එදා ගැල් පිට බඩු පටවාගෙන ගිය තවලම්කරුවන් නවාතැන් ගත් ස්ථානය නිසා තවලම යන නමද මෙම ප්‍රදේශයට ලැබී ඇතැයි විශ්වාස කෙරේ.

මෙම අම්බලම 1915 වසරේදී දොන් කොරනේලිස් විජේසේකර වෙදආරච්චි පුද්ගලයෙකු විසින් ගම්වැසියන්ගේ සහයෝගය ඇතුව ගොඩනගන ලද බව අම්බලමේ ගල් පුවරුවක දක්වා ඇත.

මෙම අම්බලම කොටස් දෙකක් වනසේ සාදා ඇත. ආලින්දය වැනි මුල් කොටසේ හා භාග බිත්තියකින් වෙන් වූ ඇතුලත කොටසේ බිත්ති වටා පුළුල් බැමි සාදා ඇත. ආලින්දය වන කොටසේ බැම්මේ උඩ ගල් පුවරු යොදා නිර්මාණය කොට තිබේ.

තවලම මංසන්ධියේ සිට කිලෝමීටර 1.6ක් හිනිදුම දෙසට ගමන් කිරීමෙන් බටහේන මංසන්ධියට පැමිණිය හැක. මෙම මංසන්ධියේ වමට ඇති මාර්ගය ගිං ගඟ හරහා ඇති පාලම හා එක්වේ. තවලම බටහේන අම්බලම ඇත්තේ මෙම මාර්ගය ආරම්භ වන ස්ථානයේ වම් අත දිශාවටය. ඉතා අබලන්ව පැවති මෙම අම්බලම 2019 වසරේදී ප්‍රතිසංස්කරණය කොට ඇත.

සම්බන්ධ වෙනත් පිටු

තවලම බටහේන අම්බලම සිතියම


ගූගල් සිතියම් පහලින් - Please click on the button below to load the Dynamic Google Map -
.


ඉහල සිතියමේ මෙම ස්ථානය පමණක් නොව කිලෝමීටර 20ක් ඇතුලත තවත් වැදගත් ස්ථාන ලකුණු වී ඇත. මේ ස්ථාන බැලීමට සිතියම කුඩා කර බලන්න. වැඩි විස්තර සඳහා අවශ්‍ය ස්ථානය මතට මුසිකය ගෙනයන්න. එසේ නැතිනම් click කරන්න.

ගූගල් සිතියම වෙනත් ස්ථාන වලට චලනය කර ගෙනයාමෙන් එම ප්‍රදේශයේ වැදගත් ස්ථාන බලාගත හැක.


තවලම බටහේන අම්බලම රියදුරු දිශාවන්

තවලම සිට බටහේන අම්බලම දක්වා
හරහා : හිනිදුම පාර
මුළු දුර : කිලෝමීටර් 1.6
ගතවන කාලය : විනාඩි 5
ගත කිරිය යුතු කාලය : විනාඩි 10  පමණ
රියදුරු දිශාවන් : ගූගල් සිතියමේ බලන්න

© www.amazinglanka.com