නෙළුම්කුලම රන්කෙත්ගම රජමහා විහාරය පුරාවිද්‍යා භූමිය

වව්නියාව අවරන්තුලාව සහ පුවරසන්කුලම් – සෙට්ටිකුලම් මාර්ගය යා කරන මාර්ගයේ පිහිටා ඇති “රන්කෙත්ගම” ඓතිහාසික ගම්මානයකි. නිමක් නොපෙනෙන සුවිසල් කුඹුරු යායවලින් පිරී ගිය මෙම ගම්මානයට “රන්කෙත්ගම” යන නාමය කදිමට ගැලපේ. අතීත සිංහල රාජධානි සමයේ පටන්ම මෙම ප්‍රදේශය සශ්‍රීක කෙත් යායවලින් පිරී ගිය බවට සැකයක් නැත.

වර්තමාන රන්කෙත්ගම විහාරස්ථානයට ඉදිරියෙන් වූ මාර්ගයේ විරුද්ධ පස උස් වූ අතිවිශාල ගල්තලාවක් තිබේ. දුර සිට බලන විටම පෙනෙන්නේ ගරා වැටී ගිය ධාතු චෛත්‍යයකි. මේ ගල්තලාවේ පාමුල ගඩොලින් කල අති විශාල වේදිකාවක නටඹුන් දක්නට ලැබේ. එය සැබැවින්ම ගඩොල් වේදිකාවක්ද නැතහොත් විශාල ගඩොල් ගොඩනැගිල්ලක්ද කියා නිශ්චිතව කිව නොහැක.

ගල්තලාවේ සියලු දිශාවල්වල කුඩා සහ විශාල පොකුණු තිබේ. ගම්වැසියෝ අදටත් ස්නානය කිරීම සඳහා මෙම විශාල පොකුණු භාවිතා කරති. මීට අමතරව චෛත්‍යය ට පිටුපසින් ගල්තලාව මත ඇත්තේ වනරොදකි. මේ වනරොද තුළ ශෛලමය බෙහෙත් ඔරු මෙන්ම විහාර සංකිර්ණයකට අයත් තවත් නටඹුන් රාශියක් තිබේ. ගල්තලාවේ පිටුපසට වන්නට පිහිටා ඇති එම වනයෙන් වැසී ගිය පුරාවිද්‍යා බිම්කොටස තවදුරටත් ගවේෂණය කර කඩිනමින් සංරක්ෂණය කළයුතුව තිබේ.

සම්බන්ධ වෙනත් පිටු

• ශ්‍රී ලංකාවේ පැරණි උරුම ස්ථාන
• ආසන්නයේ ඇති වෙනත් ආකර්ෂණ

නෙළුම්කුලම රන්කෙත්ගම රජමහා විහාරය පුරාවිද්‍යා භූමිය සිතියම

නෙළුම්කුලම රන්කෙත්ගම රජමහා විහාරය පුරාවිද්‍යා භූමිය රියදුරු දිශාවන්