උරුමය

දඹුල්ල කළුදිය පොකුණ පුරාවිද්‍යා භූමිය

වසර 54ක් agoමාස 8ක් ago02 mins

RATE THIS LOCATION : 1 Star

(8 votes, average: 3.63 out of 5)

Kaludiya Pokuna in Dambulla - දඹුල්ල කළුදිය පොකුණ පුරාවිද්‍යා භූමිය — Kaludiya Pokuna in Dambulla – දඹුල්ල කළුදිය පොකුණ පුරාවිද්‍යා භූමිය

කළුපොකුන නොහොත් කලුදිය පොකුණ මාතලේ දිස්ත්‍රික්කයේ වගපහන පල්ලේසිය පත්තුව හි කුඹුක්කන්දන්වල සිට ගිනිකොන දෙසින් සැතපුම් එකහමාරක් පමණ දුරින් පිහිටි එරවලගල (පෙරවෙලගල ලෙසද හැඳින්වෙන) කඳු පන්තියක පාමුල පිහිටි විශාල ආරාමයක නටබුන් සහිත ස්ථානයකි. මෙය මිහින්තලේ කලුදිය පොකුණ සමඟ වරදවා නොගත යුතුය. මෙම ආරාමය පබ්බත විහාර (පංචාවාස) ක්‍රමයට ගොඩනංවා ඇති අතර මංජු ශ්‍රී භාෂිත වාස්තු විද්‍යා ශාස්ත්‍ර හි විස්තර කරන ලද පරිදි දිය අගලකින් වට වූ වේදිකාවක් මත ප්‍රාථමික ගොඩනැගිලි ඉදි කොට ඇත.

ආරාමයේ ප්‍රධාන ගොඩනැඟිලිවල මධ්‍යස්ථ ප්‍රමාණයේ ස්ථූපයක් සහ දැවැන්ත නමුත් දළ වශයෙන් කපන ලද ගල් කණු ආධාරයෙන් නැගී සිට ඇති ගොඩනැගිල්ලකි. එය කඳු බෑවුම මත මළු කිහිපයකින් යුක්තව සකස් කර ඇති අතර ඒවා දිය අගලකින් වටවී ඇති බව පෙනේ. මෙම මළු පසුකොට කන්දට නගින විට, දකුණට හා නැගෙනහිරට භූමිය ගල් කුළු බවට පත්වන අතර මෙම විශාල කළුගල් අතර, පුරාණ කාලයේ බෞද්ධ මුනිවරුන් භාවිතා කල ලෙන් 12ක් හමුවේ.එසේ නමුත් මෙම හෙක්ටයාර 40 (අක්කර 100) රක්ෂිතය තුල ලෙන් 69 ක් හඳුනාගෙන ඇති බව පැවසේ. ස්තූපයට නිරිත දෙසින්, අඩි 750 ක් පමණ දුරින්, සුන්බුන් සහිත පොකුණක් ඇත, එය තුල පිරී ඇති කාල වර්ණයෙන් යුතු මඩ සහිත ජලය මෙම භූමියට කලුදියපොකුණ නාමය එක්කොට ඇත.

මෙම ස්ථානයේ සෙල්ලිපි තුනක් සොයාගෙන ඇත. පළමුවැන්න ස්තූපයේ මළුවේ දකුණු දොරටුවේ පඩි පෙළක සරල මුර ගලක් මත කොටා ඇත. මෙය ක්‍රි.ව. 7 වන සියවසට අයත් වන අතර අකුරු කිහිපයක් පමණක් පැහැදිලිව දිස්වේ.

දෙවන සෙල්ලිපිය ස්තූපයේ නිරිත දෙසින් අඩි 400 ක් පමණ දුරින් පිහිටි ලෙනක කොටා කර ඇත. එය 9 වන ශතවර්ෂයට අයත් අක්ෂරයෙන් ලියා ඇත. මෙහි අක්ෂර තරමක් නොසැලකිලිමත් ලෙස සිදුකොට ඇත. ඒවා නොගැඹුරු වන අතර බොහෝ අවස්ථාවන්හිදී ඒවායේ හැඩය වෙනස් වේ.නමුත් මෙම සෙල්ලිපියේ පිහිටීම හේතුවෙන්, එය හොඳ මට්ටමක පවතී. ආචාර්ය පරණවිතානයන්ට අනුව, මෙම සෙල්ලිපිය II වන සේන රජුට (853-887) හෝ IV වන කාශ්‍යප රජුට (898-914) පැවරිය හැකි නමුත් එය II වන සේන රජුගේ වියයුතු බව පවසයි.

9 වන ශතවර්ෂයේදී මෙම ආරාමය දඛිණගිරි (දක්ඛිණ හෝ දක්ඛිණගිරි) ආරාමය ලෙස හැඳින්වූ බව මෙම සෙල්ලිපියෙන් අපට අනාවරණය වේ. මෙම සෙල්ලිපියේ අන්තර්ගතය වන්නේ ආරාමයට ආහාර සැපයීම සඳහා විවිධ පුද්ගලයින් විසින් කරන ලද විවිධ පරිත්‍යාග පිළිබඳවයි. මෙහි ප්‍රධාන කොටස වන්නේ දලනා නම් පුද්ගලයාගේ පරිත්‍යාග ගැනයි. ඔහු දිනපතා සහල් සහ කිරි සැපයීම සඳහා රත්‍රන් කලං විසිතුනක් පරිත්‍යාග කොට ඇත. සහල් නොපිසූ ලෙස ලබා නොදිය යුතු බවට ඔහු විසින් කරන ලද කොන්දේසියෙන් ආරාමයේ භික්ෂූන් කෙරෙහි එතරම් විශ්වාසයක් නොමැති බවක් පෙන්නුම් කරයි. ආරාමයේ භික්ෂූන් අතර මතභේදයක් ඇති වුවහොත් ඔවුන් සඳහා පිළියෙළ කළ ආහාර කාක්කන් හා බල්ලන් වෙත විසි කළ යුතු බව ද දක්වා ඇත. පැහැදිලිවම, දලනාගේ මතය වූයේ අඬදබර කර ගන්නා භික්ෂූන්ට වඩා එවැනි සතුන් භක්තිවන්තයන්ගේ දානය ලැබීමට සුදුසු බව පෙනේ.

මහාවංශයට අනුව, දක්ඛිණගිරි විහාරය ඉදිකිරීමේ ගෞරවය හිමි වන්නේ සද්ධතීස්ස රජු (ක්‍රි.පූ. 137-119) වෙතය (XXXIII: 8). නැවතත් ධතුසේන රජු (459-477) ද දක්ඛිණගිරි විහාරයක් ඉදි කල බව චුලවංසයේ (XXXVIII: 47) දැක්වේ. පළමුවන අග්ගබෝධි රජු (575-608) දක්ඛිණගිරිදල්හ විහාරයට (XLII: 27) උපෝස්තඝර ගොඩනැගිල්ලක් ඉදිකර ඇති අතර එය වෙනස් විහාරයක් විය හැක. නැවතත් චුලවංසයේ සඳහන් වන්නේ පස්වන කාශ්‍යප රජු (914-923) දක්ඛිණගිරි (විහාරය) වෙත ගම්මානයක් පරිත්‍යාග කළ බවයි. (LII:60).

කලුදියපොකුනෙහි තෙවන ශිලා ලේඛනය කැටයම් කර ඇත්තේ ස්තූපයට දකුණින් අඩි 250 ක් පමණ දුරින් නටබුන් වූ ගොඩනැගිල්ලක අසල ඇති ශෛලමය පුවරුවකය. එපිග්‍රැෆියාස් සෙලානිකා (වෙළුම III) හි අර්ධ වශයෙන් හානියට පත් මෙම සෙල්ලිපියෙහිද මෙහි නාමය දඛිණගිරි ලෙස සඳහන් වන අතර එය IV වන සේන රජුගේ (954-956) රාජ්‍ය කාලයට අයත් බව සඳහන් කරයි.

1979-80 කාලය තුළ කලුදිය පොකුන ස්ථූපය කැණීම් කොට සංරක්ෂණය කරන ලදී. කලුදිය පොකුන භූමිය දඹුල්ල නගරයට කිලෝමීටර් 16 ක් ඈතින් මනරම් කණ්ඩලම වැව පසුකොට පිහිටා ඇත. නටබුන් ඇති කඳු පාමුලට ලඳු කැලෑ හා කුඹුරු හරහා වැටී ඇති මාර්ගය අලංකාරය. හුදකලාව පිහිටි මෙම පුරාවිද්‍යා භූමිය තුල වෙහෙස මහන්සි වී වැඩ කරන කම්කරුවෙකු හෝ දෙදෙනෙකු හැර වෙනත් කිසිවෙකු ඔබට හමු නොවනු ඇත.

ආශ්‍රිත

Wickramasinghe, D. and Codrington, H., 1933. Epigraphia Zeylanica being Lithic and Other Inscriptions of Ceylon : Vol III. 1st ed. London: Oxford University Press, p.253-269.
De Silva, R. and Karunaratne, W., n.d. Administration report of the archaeological commissioner for the year 1979. 1st ed. Colombo: Department of the Government Printing, p.17-19.
2010. සිංහල මහාවංශය. 1st ed. Colombo: Buddhist Cultural Center.
Mahānāma, Bode, M. and Geiger, W., 1912. The Mahavamsa or the great chronicle of Ceylon. 1st ed. London: Henry Frowde, Oxford University Press, p.250.
Geiger, W., 1998. Cūlavaṃsa, being the more recent part of the Mahavamsa : Part 1. 2nd ed. New Delhi: Asian Educational Services.
NICHOLAS, C., 1963. Historical Topography of Ancient and Medieval Ceylon. Journal of the Ceylon Branch of the Royal Asiatic Society, New Series, Vol VI,(Special Number), p.111.
Abhayavardhana, E., 2004. Heritage of Kandurata. 1st ed. Kandy: Kandurata Development Bank, in association with the Central Bank of Sri Lanka, pp.181-182.
Powell, K., 2018. Rituals and Ruins: Recovering the History of Vajrayāna Buddhism in Sri Lanka. Master of Arts in South and Southeast Asian Studies. University of California, Berkeley.
Okamura, T., 2015. RUINS IN CENTRAL EASTERN AREA OF SRI LANKA — at the jungle of Amban Ganga Basin and the outskirts —. Tokyo: South Asian

සම්බන්ධ වෙනත් පිටු

දඹුල්ල කළුදිය පොකුණ සිතියම

ගූගල් සිතියම් පහලින් – ගූගල් සිතියම් පහලින් – ගූගල් සිතියම් විවෘත කිරීමට පහත බොත්තම් භාවිතා කරන්න –

ගූගල් සිතියම

ඉහල සිතියමේ මෙම ස්ථානය පමණක් නොව කිලෝමීටර 20ක් ඇතුලත තවත් වැදගත් ස්ථාන ලකුණු වී ඇත. මේ ස්ථාන බැලීමට සිතියම කුඩා කර බලන්න. වැඩි විස්තර සඳහා අවශ්‍ය ස්ථානය මතට මුසිකය ගෙනයන්න. එසේ නැතිනම් click කරන්න.

ගූගල් සිතියම වෙනත් ස්ථාන වලට චලනය කර ගෙනයාමෙන් එම ප්‍රදේශයේ වැදගත් ස්ථාන බලාගත හැක.

දඹුල්ල කළුදිය පොකුණ සිතියම ගමන් මාර්ගය

දඹුල්ල සිට කළුදිය පොකුණ දක්වා

හරහා:
දුර: කිලෝමීටර 15
ගමන් කාලය : විනාඩි 20 පමණ
ගතකළයුතු කාලය : පැය 1ක් පමණ
ගමන් මාර්ගය : මෙහි ගූගල් සිතියමේ බලන්න

සියඹලාදමන මෙගලතික සුසාන භූමිය
රූස්ස ගස් වලින් පිරි වන අලින් ගැවසෙන ප්‍රාදේශයක හුදකලාව සියඹලාදමන මෙගලතික සොහොන් පරිශ්‍රය පිහිටා ඇත.මෙම ස්ථානයට ආසන්නයෙන් යාං ඔය ගලා බසි. එම නිසා එළඹිය හැකි නිගමනය වන්නේ යාං ඔය නිම්නයේ පිහිටි පැරණි ජනාවාසයක් මෙම ස්ථානය ආසන්නයේ පිහිටා තිබෙන්නට ඇති බවයි.ස්වභාවික හා මානව ක්‍රියාකාරකම් වලට අවම වශයෙන් ලක්ව ඇති නිසා මෙම සොාහොන් පරිශ්‍රය ඉතා හොදින් දක්නට ලැබේ.සුසාන ගර්භ 16 ක් පමණ අක්කර 03 ක පමණ භූමියක පිහිටා ඇත. […]
මාගල්ල වැව සහ රිදී බැඳි ඇල
මාගල්ල වැව මහසෙන් රජු (276-303 A D) විසින් ඉදිකරන ලද ජලාශ දහසයකින් එකක් ලෙස සැලකේ. එය I වන පරාක්‍රම බාහු (1153-1186 A D) සමයේදී අලුත්වැඩියා කර පසුව රිදී බැඳි ඇල්ල ලෙස හඳුනාගෙන ඇති දැදුරු ඔයෙන් ඇරඹි පෝෂක ඇළ මාර්ගයෙන් වැඩි දියුණු කරන ලද බව මහාවංශය සටහන් කරයි. මහා පරාක්‍රමබාහු යුවරාජ වශයෙන් රටේ දකුණු ප්‍රදේශයේ රජ කළ විට දැදුරුඔය හරහා අමුණු 5ක් ඉදිකළ බවත්, ඉන් සූකර නිජ්ජ නමින් වූ අමුණ මගින් මාගල්ල ජලාශයට ජලය හරවා යැවූ බවත් සඳහන් වේ. […]
කුලහීනයන් ශ්‍රී පාද වන්දනා කල ආඬියාමළ තැන්න වැලි මළුව
ශ්‍රී පාද කඳු මුදුනට මීටර් 600ක් පමණ පහළින් අද අම්බලමක් තිබෙන ආඬියාමළ තැන්න නම් පෙදෙසක් ඇත. තම පියා මරා දැමීමෙන් පසු සීතාවක රාජසිංහ රජු (1581-1591) හින්දු භක්තිකයෙකු බවට පත් වූ අතර ශ්‍රී පාදය ආඬි නොහොත් සන්නාසි නම් වූ හින්දු පූජකවරුන්ට භාර දෙන ලදී . කීර්ති ශ්‍රී රාජසිංහ (1747 - 1781) විසින් එය ආපසු ගෙන බෞද්ධ භික්ෂුන්ට නැවත භාර දෙන තෙක් ඔවුන් දළ වශයෙන් වසර 155 ක් පමණ මෙම ස්ථානය කළමනාකරණය කළහ. […]
රටට අහිමි වූ කිලිවෙඩ්ඩියේ ශ්‍රී වර්ධන බෝධිය
කිලිවෙඩ්ඩි ශ්‍රී වර්ධන බෝධිය 1979 දී හින්දු භක්තිකයන් විසින් විනාශ කර සහස්‍ර ගණනාවක් පුරා පැවති කෝවිලක් ඉදිකරන ලද ශ්‍රී මහා බෝධියේ පළමු අංකුර 32 න් එකකි. […]
1818 ඌව වෙල්ලස්ස කැරැල්ල හා මොණරවිල කැප්පෙටිපොළ ස්මාරකය
1817/18 කැරැල්ල ලෙසද හැඳින්වෙන ඌව වෙල්ලස්ස කැරැල්ල 1815 දී ඉංග්‍රීසින් මහනුවර රාජධානිය අල්ලා ගැනීමෙන් පසු ශ්‍රී ලංකාවේ පළමු නිදහස් සටන ලෙස සැලකේ. මහනුවර රාජධානිය ඉංග්‍රීසින්ගෙන් නිදහස් කර ගැනීමේ මෙම සටන මෙහෙයවූයේ මොනරවිල කැප්පෙටිපොළ මහ දිසාවේ විසිනි. […]
පොලොන්නරුව රාජධානියේ විෂ්ණු දේවාලය අංක 3
අංක 3 විෂ්ණු දේවාලය සම්පූර්ණයෙන්ම ගඩොලින් තැනූ නිර්මාණයකි. මෙම කෝවිලේ අත්තිවාරම පමණක් සංරක්ෂණය කර ඇත. මෙම නටබුන් ප්‍රධාන මාර්ගයට ආසන්නව පිහිටා තිබුණද ඒවාට ප්‍රවේශ වීම පහසු නැත. නගරයට එන ජලාශයට එන වන අලි නවතාලීම සඳහා නටඹුන් හා මාර්ගය වෙන් කරමින් මෙම මාර්ගය දිගේ විදුලි වැටක් දිවෙයි. […]
මොට්ටුන්න ශ්‍රී කිරීටාරාම පුරාණ ටැම්පිට විහාරය
මොට්ටුන්න ශ්‍රී කිරීටාරාම විහාරයේ පිහිටි ටැම්පිට විහාරය, ගම්පහ දිස්ත්‍රික්කයේ හොඳින්ම සංරක්‍ෂිත හා නඩත්තු කරන ලද ටැම්පිට විහාරය ලෙස සැලකේ. විහාරය මෑතකදී නැවත ප්‍රතිෂ්ඨාපනය කොට ඇති අතර මුල් ගල් කුළුණු සමග කොන්ක්‍රීට් ආධාරක ගොඩනගා ඇත. ප්‍රතිමා ගෘහයේ දොරටුව දෙපස දෙරටුපාල දේවතා පිළිම දක්නට ලැබේ. […]
අකිතමුරිප්පු (තේක්කම) පත්තිනි දේවාලයේ පැරණි නටබුන්
මැදවච්චියේ සිට මන්නාරමට යන මාර්ගයේ මඩු පල්ලි පාරට කිලෝමීටරයකට පමණ පෙර මල්වතු ඔය හරහා වැටී ඇති එල්ලෙන පාලමට ඇති මාර්ගය පවතී. මෙම මාර්ගයේ කිලෝමීටරයක් පමණ ගමන් කලවිට අලංකාර පරිසරයක ඇති යෝධ ඇළ හරහා වැටී ඇති අමුණක් අමුවේ. […]
වඳුරුපිටිය කෙටේවත්ත සත්පත්තිනි ටැම්පිට දේවාලය
විශාල වත්තක කෙළවර වඳුරුපිටිය කෙටේවත්ත සත්පත්තිනි ටැම්පිට දේවාල ඉඩම පිහිටා ඇත. ප්‍රධාන දේවාලය ඉදිකර ඇත්තේ ටැම්පිට විහාරයක ස්වරූපයෙනි. මෙම දේවාල ඉතිහාසය දඹදෙණි රාජධානිය යුගය දක්වා දිවෙන අතර ටැම්පිට දේවාලය මෙරට කුඩාම දේවාලය ලෙස සැලකේ. […]
දිඹුලාගල මොලහිටිය වෙලේගල පුරාවිද්‍යා ස්ථානය
මොලහිටිය වෙලේගල නුවරකලාවිය දිඹුලාගල කුඩා උල්පත ගම්මානයේ පිහිටි දිගු ගල් පර්වතයකි. මෙම පර්වතය කුඩා උල්පොත සිට කිලෝමීටර් 1.5 ක් පමණ දුරින් පිහිටා ඇති අතර, දිඹුලාගල පර්වතයට සමාන්තරව නැගෙනහිර සිට බටහිරට දිවෙන දිග දිගේ සමාන්තර පටු වැටි තුනක් හෝ හතරක් සහිත පහත් පාෂාණ භූමියකි. […]
කෑගල්ල මිනියම්පිටිය වත්ත පුරාවිද්‍යා ස්ථානය
කොළඹ සහ මහනුවර අතර මධ්‍යම අධිවේගී මාර්ගය ඉදිකරන අතරතුර මින් පෙර වාර්තා නොවූ පෞරාණික ස්තූප දෙකක නටඹුන් වසර කිහිපයකට පෙර වාර්තා විය. මෙම ස්ථානය කෑගල්ල දිස්ත්‍රික්කයේ රඹුක්කන මිනියම්පිටිය ප්‍රදේශයේ පිහිටා ඇත. […]
දිඹුලාගල හඳපාන්විල රජමහා විහාරය පුරාවිද්‍යා භූමිය
හඳපාන්විල රජමහා විහාරය පිහිටා ඇත්තේ දිඹුලාගල ප්‍රදේශයේ හඳපාන්විල ග්‍රාමයේ " දූවේගල" නමින් හඳුන්වන ගල්තලාවේය . දූවේගල පුරාණ බෞද්ධ ආරාමයක් වන අතර ස්තූපයක්, සෙල්ලිපි සහ ගොඩනැගිලිවල නටඹුන් හමුවේ. […]
රයිගම් රාජධානියේ උයන් වත්ත වැව
දොළොස් වන ශතවර්ෂයෙන් පසුව වියලි කලාපයෙන් තෙත් කලාපයට සංක්‍රමණය වූවන් අතර වාරිතාක්ෂණය ලංකාවේ අභාවයට යා නොදී රැකගැනීමට කටයුතු කල කණ්ඩායමක් සිටි බවට බොහෝ උදාහරණ ඉතිහාසය අපට පෙන්වාදෙයි. කොලබ දිස්ත්රික්කයේ මුල්ලේරියාව වැව. තලංගම වැව, බොරලැස්ගමුව වැව හා කළුතර දිස්ත්‍රික්කයේ උයන්වත්ත වැව එයින් කීපයකි. උයන්වත්ත වැව පිළිබද කුඩා හැදින්වීමක් කිරීම මෙහි අරමුනයි. […]
ගෝමරන්කඩවල මයිලවැව පුරාවිද්‍යා භූමිය (Gomarankadawala Mailawewa Archaeological Site)
පුරාවිද්‍යා දෙපාර්තමේන්තුව විසින් කලකට පෙර සංරක්ෂණය කරනු ලැබු මෙම ගෝමරන්කඩවල මයිලවැව දාගැබ ඉන් පසුව නිසි නඩත්තුවක් නොමැතිවිම නිසා වල්බිහිවි ගොස් සෑ ගර්භය තැන තැන පුපුරා ගොස් තිබේ. අගල් 156 ක් පමණ උසින් යුතු දාගැබෙහි උතුරු දෙසට වන්නට ගර්භය මැදින් කොටසක ගඩොලු ගැලවි තිබේ. […]
ගුරුගල්හින්න මෙගලිතික සුසාන භූමිය
1970 දශකයේ දී පුරාචිද්‍යා දෙපාර්තුමේන්තුවේ රාජා දසිල්වා විසින් ගුරුගල්හින්න ආශි‍්‍රත ව කැණීම් සිදු කර තිබෙන අතර එම සුසානය විද්‍යාත්මක ලෙස කාලනීර්ණය කර නොමැත. නමුත් එහි තිබෙන පූවරුවට අනුව මෙම සුසාන භූමිය ක්‍රිස්තු පූර්ව 7 වන සියවස හා ක්‍රිස්තු වර්ෂ 3 වන සියවස අතර භාවිතා කර ඇති බව සඳහන් වේ. […]
හඟුරන්කෙත මාදංවල අම්බලම
හඟුරන්කෙත සිට රිකිල්ලගස්කඩ දෙසට කිලෝමීටර 1½ පමණ ගමන්කරන විට මාර්ගයේ දකුණු දෙසින් මෙම මාදංවල අම්බලම දැක ගන්නට පුළුවන්. වහලය දරා සිටින ප්‍රධාන ගල් කණු සතරේ තුන් පැත්තකින් උස අඩි 5ක් පමණ උස ගල්බැමි ගොඩනංවා තිබෙනවා. කැටයම් ආදියෙන් තොර මෙම අම්බලම සාදා තිබෙන්නේ 1901දී. […]
උඩුනුවර වට්ටප්පොල අම්බලම
වට්ටප්පොල ග්‍රාමයේ තිබෙන මෙම අම්බලම 1918 දී නිම කරන ලද බව පැවසෙනවා. මෙම අම්බලම ගොඩ නංවා ඇත්තේ වට්ටප්පොල ඩිංගිරි බණ්ඩා වරකාවුල්ල නැමැති පුද්ගලයා බව අම්බලමේ සඳහන් වනවා.]මෙම අම්බලම සාදා ඇත්තේ කළුගල් කුට්ටි භාවිතා කරගනිමින්. […]
උඩුනුවර වේගිරිය අම්බලම
උඩුනුවර වේගිරිය අම්බලම සැදීමට විශාල සතරැස් ගල් කුළුණු හතරක් මත කොස් දැවයෙන් සැකිල්ලක් සාදා ඒ මත වහලය රඳවා තිබෙනවා. මෙහි ගල් කණුවක් අඩි දහයක් පමණ උසයි. වහලේ පරාල එක්රැස් වන දැව මඩොල් කුරුපාව දැකුම්කළු පියුමකින් සරසා තිබෙනවා. මෙම අම්බලමේ බිත්ති අසුන් ගත හැකි ලෙස නිමවා තිබෙනවා. […]